الشــــيشـبرك "وااااااو"

مــــراحب حـــسنوات...

اليوم نــــقلت لكم طبخه كــــثير أحبهـــــا...وهي "..الشيشبرك.."وبالفعل جـــربتها

طعــــمهــــا يــم يـــم..نـــبدأ...

المقاديـــر:-

-كأس طحين منخول .
ملعقة صغيرة ملح
ملقعة كبيرة زيت مازولا
نخلط الطحين والملح والزيت منيح بعدين نضيف الماء شوي شوي ونعجن اتصير العجينة طرية وما بتلزق باليد
ونتركها شي نصف ساعة ترتاح اذا شوب او ساعة بالبرد مع تغطيتها بمنشفة مبلولة شوي.

الحـــشوة:-

نصف كيلو لحمة مطحونة

مقدار بقدونس مفرومة صغير كثير (في ناس ما يحطوها )

بصلة كبيرة مفرومة ناعم كثير كمان

ملح ،فلفل، بهار

نقلي البصلة بزيت مازولا لحد ما تدبل موتنحرق او يتغير اللون

نضيف اللحمة والملح والبهار ونقليها منيح منيح

اخر شي نضيف البقدونس ونقليها شوي بس

ونترك اللحمة لتبرد ونحاول نشفها من الزيت لانه ما بيخلي العجينة تسكر اذا كان كثير.




الطريقة بالصور :

نرق العجينة كويس بالشوبك او بألة العجين مثل الصورة






نقطع العجينة بكاسة مدورة بس صغيرة او بألة التقطيع وكل ما كانت الدائرة اصغر اطيب واحلى ومنظرها حلو اكثر ..ا





بعد ما نقطع العجينة بشكل دائري ناخد كل دائرة ونضع بداخلها نصف ملعقة صغيرة من الحشو ونسكرها على بعض بشكل هلال..






بعدين ناخد طرفين الهلال ونلزقن ببعض مثل الصورة ..




قطعة قطعة ليخلصوا الكل ..







اذا بتحبوا تفرزوا دخلوات الصحن على البراد مثل ما هو ولما يجمد العجين منحطوا بكيس نايلون حتى ما ياخد حجم ...



طبـــخ اللبن:-





افضل طريقة للبن يلي ساكن بالسعودية وبيطلع مثل لبن الشام

3/ علب لبن زبادي نادك وبعده ندى يلي حجم العلبة 400غرام مو اللبن السائل لالاالجامد

ا/ علبة من اللبن بس فيها ماء فقط

3/ ملاعق كورن فلاور كبار بس ممسوحين مو مطفطفين



نضربهم بالخلاط او اذا في الخلاط يلي بينزل بالطنجرة احسن منحطون بالطنجرة ومنخلطهن منيح منيح ونضعهن على نار

متوسطة موعالية حتى ما يلزق اللبن ومنضل عم نحرك ونحرك ونحرك ليغلي اللبن

منسقط الشيشبرك بهدوء ونتركه على نار هادية شي عشر دقايق بيكفي لانه العجينة رقيقة وصغيرة

وبهل الاثناء انا بحب اللبن مع الكزبرة والثوم في ناس بتحبه سادة في مع الطرخون او النعنع اليابس

نحط ملعقة كبيرة سمنة ونضع نصف جرزة كزبرة مفرومة منيح منقليها بالكزبرة وسنين ثوم صغار مدقوقين

منقليهن منيح ومنحطون فوق اللبن قبل ما نطفي بدقيقتين والف صحة ...


والان مع الصور